【超豪散水餅】英超球員豪花420萬派另類散水餅　33名隊友每人一隻Rolex豪華潛水錶

呢個時代，原來派散水餅都要講究霸氣嘅！話說去年10月電影《殺神4》在巴黎煞科，奇洛李維斯臨別秋波依依不捨之際，對一直對佢照顧有加的拍攝團隊，實行加碼送Rolex 黑水鬼（Submariner）給多位幕後員工，在巴黎某餐廳送禮個幕，更成為國際界送禮一時佳話！

最新影片推介：鄭欣宜專訪

不知是否從中得到啟發呢？現年21歲挪威中鋒夏蘭特，原本效力德甲球隊多蒙特，今個夏天轉會到英超球隊曼城，臨別前指定動作派唔食得的「散水餅」，竟然係一枚Rolex Submariner的豪華潛水錶給33位球隊成員，人人有份永不落空，每枚約1.４萬歐元（大概12萬港元）。

▼點擊圖片放大

+4

+3

就連團隊幕後一樣，位位都有一枚約６千歐元（約5萬港元）的OMEGA SPEEDMASTER系列。

有人幫夏蘭特計過，此次「散水餅」大概花費50萬歐元（約420萬港元）不過係佢轉會後一個星期多啲嘅人工，對佢嚟講，1/4個月人工梗係濕濕碎，但對其他球員係咪添上超大壓力呢？

記者：黃鑑江